“Eskobari i Ballkanit” Apeli jep vendimin përfundimtar për Klemend Balilin

Ditën e sotme Gjykata e Apelit për Krimet e Rënda ka dënuar përfundimisht me 10 vite burg Klemend Balilin.

Apeli ka rrëzuar kërkesën për pafajësi të Klemend Balilin, i cilësuar ndryshe dhe si “Eskobari i Ballkanit”, duke lënë në fuqi vendimin e shkallës së parë.

Kujtojmë se më herët Balili e ka apeluar këtë vendim, duke kërkuar pafajësi.

Ai ka pretenduar ndër të tjera se gjykata nuk kishte në disponim asnjë provë kundër tij, mirëpo Apeli ia ka rrëzuar sot kërkesën.

Kështu gjykata ka dënuar Balilin me 14 vite burg, ndërsa i është konvertuar me 10 vite, për shkak të gjykimit me procedurë të shkurtuar. Mësohet se në seancën e sotme Balili nuk ishte i pranishëm.

Kujtojmë se ai u dorëzua në polici më 15 janar 2019, pas 3 viteve arrati. Klement Balili akuzohet për “Trafik ndërkombëtar droge”, “Grup të struktura kriminal” dhe “Pastrim parash”.