“Mos fol më në media” jepet masa e sigurisë për Marsida Qatjan, i marrin edhe pasaportën

Pas informacioneve se Marsida Qatja do të udhëtonte jashtë Shqipërisë, Prokuroria pasi e ka marrë në hetim, ka vendosur edhe ti heqë pasaportën 30 vjecares.

Marsida dilte shpesh jashtë shtetit pasi njëherë në muaj takonte burrin i cili ndodhej i burgosur në Gjermani.

Por tashmë ndaj saj është regjistruar një procedim penal pas vrasjes që ndodhi në banesë.

Në seancën e sotme Gjykata vendosi masë sigurie ndaj saj “detyrim paraqitje.”.

Mbi të rëndon akuza e përshtatjes së ambienteve për përdorim droge.

Gjithashtu në Prokurori Qatjas i është kërkuar të mos flasë më në media për ngjarjen pasi është person që ka dijeni dhe mund të rrezikojë hetimet.