Kryemadhi i habit të gjithë: Me këtë gojë që kam mund të kisha një burrë që më rrihte 10 herë në ditë

Kryetarja e Lëvizjes Socialiste për Integrim Monika Kryemadhi shpeshherë njihet për deklaratat që bën në lidhje me marrëdhenien e saj bashkëshortore me presidentin Ilir Meta.

Këtë herë Kryemadhi i ka habitur të gjithë me një deklaratë nga studioja e “Fax Neës” ku është shprehur se me karakterin dhe gojën që ka, mund të kishte një burrë që e rrihte 10 herë në ditë.

“Aleati më i mirë dhe partneri më i mirë në beteja ka qenë Ilir Meta. Pse e them këtë? Se përveçse është mëndje-hapur në aspektin e funksionimit. Unë them gjithmonë me gojën që kam, me karakterin që kam, mund të kisha një burrë që të rrihte 10 herë në ditë dhe s’të linte të dilje nga shtëpia. Por përkundrazi është njeri që…. edhe debatet që bëjmë për djegiet e mandateve,debatet janë shumë të forta”, u shpreh Monika Kryemadhi.