Një ngjarje e rëndë ka ndodhur në Lido Tevere në Ponte San Giovanni në Itali.
Mësohet se një shqiptar dhe një rumun janë përleshur me thika në një lokal nate, ku kanë lënë të plagosur 6 persona të tjerë.
Të dy ata kishin shkuar për të kaluar mbrëmjen.
Shqiptari ka takuar rastësisht ish-partneren e tij dhe aty ka nisur sherri me grushta dhe thika.
Ngjarja mësohet se ka ndodhur në orën 03.30 të natës duke u gdhirë e marta.
Shqiptari dhe rumuni ishin të armatosur me thika dhe gjatë përleshjes goditën me thikë gjashtë të tjerë, që ndërhynë për të shuar mosmarrëveshjen: dy shqiptarë, tre rumun dhe një kosovar.
Dy agresorët gjithashtu u plagosën. Në atë kohë nuk kishte asnjë klient tjetër.Nga të plagosurit, tre janë rëndë, por jo në rrezik për jetën.
Dy gratë rumune 21 dhe 30 vjeç dhe një burrë 38 vjeç u plagosën rëndë dhe u transportuan në spitalin Santa Maria della Misericordia. Ata kanë plagë në qafë, shpinë, këmbë, kyçe, duke iu nënshtruar shumë qepjeve.
