Një përplasje live në studio ka ndodhur mbrëmjen e djeshme mes kryetares së Lëvizje Socialiste për Integrim Monika Kryemadhi dhe analisttit Fatos Lubonja.
Debati ndodhi gjatë emisionit “Real Story” dhe nisi në momentin që Lubonja foli për shkollimin e fëmijëve të Kryemadhit në Londër, duke komentuar se politikanët kanë ecur me këtë logjikë, që ti cojnë fëmijët jashtë dhe të tjerët të rrinë këtu.
Menjëherë pas kësaj deklarate ka reaguar Kryemadhi duke pretenduar se është gjë e gabuar që të futen të gjithë në një kazan.
Më pas ajo i është drejtuar analistit duke i thënë se ashtu si ka ndërtuar ai pallatin e tij dhe ajo ka ndërtuar pallatin e saj.
PJESE NGA DEBATI
Lubonja: Logjika që na çoi këtu ishte që “ne t’i çojmë fëmijët jashtë dhe këta të rrinë këtu”.
Kryemadhi: Fakti që i fusim të gjithë në një kazan, normal që njerëzit nuk dinë të dallojnë pastaj. Partitë politike kanë faj, edhe krerët e partive, edhe mediet, të gjithë kanë faj. Njerëzit duhet të dinë sa para janë shpenzuar nga ky vit, në këtë vit. Nuk ndjehem keq pse vajza ime shkollohet për matematikë në Londër, se kush do ma shkollonte këtu.
Lubonja: Po ç’lidhje ka kjo tani. Pse bën këtë lëmsh, po flasim për gjithë klasën politike.
Kryemadhi: Unë e kam shansin për fëmijën tim, një tjetër nuk e ka shansin. Siç ke ndërtuar ti pallatin te vila jote, kam ndërtuar edhe unë pallatin te shtëpia ime, me lejen e Edi Ramës dhe me lejen e Lulzim Bashës.
Lubonja: Edhe unë nëse kam ndërtuar pallat, gabim.
Kryemadhi: Po jo pse kemi bërë gabim ne, pse kemi zhvilluar pronën tonë? Jo Lubonja e ke gabim, ne kemi zhvilluar pronën. Unë e kisha mundësinë që ma dhanë prindërit atë mundësi, për fat të mirë të babait tim, kam një pallat, 16 mijë metra katrorë, në të cilën shkolloj fëmijët e mij.
Lubonja: Atëherë mos u anko me Edi Ramën fare…
Kryemadhi: Jo, Edi Rama ma dha lejen mua… Makineria e propagandës është shumë e madhe, sa të mbyt. Unë nuk jam si Edi Rama, kam kontribuuar më shumë se ai, se kam qenë e sulmuar si bashkëshortja e Ilir Metës. Ndërsa Edi Rama ka kaq shumë vite në pushtet dhe askush nuk flet për koncesionet e tij.
Lubonja: Po pse tani u bënë ato, po kur ishe ti në pushtet.
Kryemadhi: Nga 2013-2015 qeverisja ka funksionuar në mënyrë perfekte
