E papritur, Rudina Hajdari anulon konferencën urgjente, zbulohet arsyeja

Ditën e sotme deputetja Rudina Hajdari njoftoi se nëpërmjet një konference do të shpjegonte situatën që po ndodh aktualisht me Grupin Parlamentar Demokrat.

Pas lajmit të dhënë nga deputeti Korab Lita se ishin bërë ndryshime në drejtimin e këtij grupi, duke u caktuar ai si kryetar i ri, Hajdari reagoi duke thënë se do të dilte në një konferencë urgjente për shtyp.

Por mesa duket plani ndryshoi pasi me anë të një njoftimi të dytë, deputetja lajmëroi shtryrjen e konferencës për nesër në orën 10.00 dhe shkak për këtë anulim janë bërë deputetët e tjerë të Kuvendit.

Kujtojmë se kjo konferencë ishte lajmëruar për sot në orën 17:00.

“Shtyhet konferenca e parashikuar për sot në 17:00. Ajo do të zhvillohet nesër në 10:00. Pritet të jetë një konferencë e përbashkët me të tjerë deputetë të Kuvendit, që sot nuk mund të ishin të pranishëm, ndaj edhe u vendos sa më sipër.”, thuhet në njoftim.