Pas takimit me kryetarin e Partisë Demokratike Lulzim Basha, shefja e misionit të OSBE/ ODIHR Audrey Glover mësohet se ka shkuar në zyrën e Monika Kryemadhit.
Ky takim lidhet me zgjedhjet vendore të 30 qershorit dhe situatën e ndërlikuar politike që po kalon vendi ynë.
Kujtojmë se Glover dhe misioni i OSBE/ODIHR ndodhet që prej ditës së djeshme në Tiranë dhe do të qëndrojnë deri më 17 tetor.
Pas përfundimit të qëndrimit të tyre në Tiranë pritet që ata të paraqesin raportin përfundimtar për zgjedhjet e 30 qershorit.
Ndërkohë në raportin paraprak të OSBE/ODIHR u theksua se votuesit nuk patën mundësi të zgjidhnin mes disa opsioneve politike, gjithashtu raporti paraprak vlerësoi pozitivisht votimin në një klimë të qetë dhe paqësore.
