Sot është bërë mbledhja e Komisionit të Sigurisë ku i pranishëm ishte dhe drejtori i Përgjithshëm i Burgjeve.
Ismaili ka dhënë alarmin lidhur me sigurinë në këto institucione ku ka shtuar se nga burgjet janë porositur dhe vrasje, të cilat do të raportohen me të gjithë informacionin e nevojshëm në Prokurori.
“Ne kemi si synim masën ndëshkuese për të burgosurit me rrezikshmëri të lartë. Nga burgu janë porositur edhe vrasje, të gjitha do raportohen në Prokurori. 32 persona të rrezikshëm, aktualisht janë ndëshkuar pasi kanë thyer rregullat e burgut,”– tha Ismaili gjatë fjalës së tij.
