Lëvizje të reja në Policinë e Shtetit.
Drejtori i Përgjithshëm i Policisë së Shtetit ka firmosur sot ndryshime në drejtoritë lokale, konkretisht në policinë e Beratit, Shkodrës dhe Mirditës.
Mësohet se shefi i Komisariatit të Policisë Shkodër, Lorenc Meta është emëruar zv.drejtor për Hetimin e Krimit në Drejtorinë Vendore të Policisë Shkodër.
Skënder Hita, që ishte zv. drejtor në Shkodër është bërë zv.drejtor në Gjirokastër.
Ilir Dedja është emëruar shef i Komisariatit në Shkodër. Alfred Cenaj është vendosur shef i komisariatit Berat. Më parë Cenaj mbante detyrën e shefit të komisariatit të Mirditës.
Ermal Lulaj emërohet Shef Komisariati në Skrapar, ndërsa Naim Lala emërohet shef i komisariatit Mirditë.
