Një ngjarje e rëndë ka ndodhur mbrëmë në banesën e një çifti të moshuarish në Korçë.
Aferdita dhe Foni Rapo kanë përjetuar moment tmerri teksa dy persona ende të paidentifikuar u kanë hyrë në banesë, duke i kërcënuar, dhunuar dhe më pas grabitur.
Shuma e parave mësohet të jetë rreth 500 mijë lekë të vjetra.
Sipas informacionit të policisë thuhet se njëri prej grabitësve ka qenë i armatosur ndërsa të moshuarit nuk kanë problem shëndetësore.
Fillimisht sipas dëshmive grabitësit kanë qenë me maska dhe sapo kanë hyrë i kanë kërcënuar duke i kërkuar paratë.
Më pas kanë ushtruar dhe dhunë ndaj tyre duke i goditur në krah dhe këmbë.
NJOFTIMI ZYRTAR I POLICISE
Më datë 14.10.2019, rreth orës 21.45, në lagjen nr.3, dy persona ende të pa identifikuar, dyshohet se njëri kishte armë zjarri tip pistoletë kanë hyrë në banesën e shtetasve Foni Rapo dhe Aferdita Rapo, rreth 85 vjeç, duke ushtruar dhunë psikologjike, kanë marrë një sasi lekësh dhe më pas janë larguar me shpejtësi.
Dy të moshuarve u është dhëna ndihma e parë mjekësore, pa probleme për jetën.
Grupi hetimor po punon për identifikimin dhe kapjen e autorëve, si edhe zbardhjen e plotë të rrethanave të ngjarjes.
