Një e papritur ka ndodhur gjatë transmetimit të rubrikës “Beauty” në “E diell” ditën e sotme. Në këtë rubrikë janë konkurrentët parukierë ose grimierë vlerësohen nga një juri profesioniste dhe çdo javë kalojnë në sfidë.
Ditën e sotme u eliminua parukieri Lorenco i cili kishte për detyrë të imitonte look-un e blogeres Estela Ujka.
Kur mësoi vendimin e jurisë, Lorenco kundërshtoi duke u shprehur se nuk e meriton të penalizohet për një gabim.
Në fjalën e tij ai iu drejtua një prej antarëve të jurisë duke i thenë se ashtu si ti që ishe futbollist dhe u bëre parukier, edhe unë e meritoj një mundësi.
“Unë nuk arrita të kopjoja, por arrita të bëja kreativitet. Meritoj dhe një shans. Nuk mund të më gjykoni mua as ti, as ju që keni nga 5-10 vite eksperiencë. Dhe të më penalizoni vetëm me një gabim”, u shpreh Lorenco dhe hodhi mikrofonin me nerva e përplasi kamerat në studio.
