Ditën e sotme një ngjarje e pazakontë alarmoi Kosovën, ku 26 zyrtarë (numërues dhe komisionerë) të KQZ u helmuan pasi hapën zarfat me votat e ardhura nga Serbia.
Tashme është zbuluar se kush janë personat që sollën zarfet e dyshimta të cilat kutërbonin erë të rëndë.
Sipas “Indeksonline”, ‘postierët’ janë dy shtetas serbë, duke siguruar kështu dhe një foto ku shfaqen të dy.
Njëri prej tyre quhet Dejan Paviçeviç,i cili është zyrtar ndërlidhës mes Serbisë dhe Kosovës, kurse personi tjetër në foto njihet me emrin shkurt Peca.
Ata kanë dërguar 150 zarfa me 20 fleta votimi në zyrën e postës te rruga ‘’Agim Ramadani’’ në datën 4 tetor, dy ditë para zgjedhjeve.
Nga 5000 votat e mbërritura te KQZ-ja, 3872 janë aprovuar prej saj.
Nga ky rast u helmuan 26 persona, të cilët po numëronin votat e ardhura nga Serbia. Ata u shtruan në Qendrën Mjekësore të Prishtinës.
