E rëndë në Tiranë, burri i jep fund jetës duke u hedhur nga kati i 8

Një ngjarje e rëndë ka ndodhur sot në Tiranë, ku një burrë rreth 60 vjeç i ka dhënë fund jetës duke u hedhur nga kati i 8 i pallatit ku banonte.

Mësohet se viktima e ka kryer aktin në kushte të rënduara psikologjike.

Ende nuk dihet identiteti i tij, ndërkohë që grupi hetimor po punon për zbardhjen e rrethanave të ngjarjes.

NJOFTIMI ZYRTAR I POLICISE

Rreth orës 16:00 në Fushë Mëzez Kashar, dyshohet se në kushte të rënduara psikologjike, është vetëhedhur nga kati i 8-të i banesës një shtetas ende i paidentifikuar rreth 60 vjeç, i cili për pasojë ka ndërruar jetë. Grupi hetimor po vijon punën për sqarimin e rrethanave të ngjarjes dhe identifikimin e trupit të pajetë.