Prej kohësh në rrjet qarkullojnë meme të shumta për kreun e LZHK Dashamir Shehi.

Kryesisht është faqja “Brryli Broadway” ajo që e ngacmon më shpesh shehin me meme pikante, duke e quajtur me pseudonimin “daja.”

I pyetur nga dosja.al, Shehi është shprehur se humori në këtë faqe është i ekzagjeruar por përcjell mesazhe pozitive.

Ai shton se nuk ka gjë kundër tyre por nuk ndan ide.

Ndër të tjera Shehi shton se imazhi i tij si politikan ndoshta i ka ndihmuar këta djem për të rritur faqen por nuk është i famshëm se e ka nxjerrë Brryli ne internet.

“Të gjithë më pyesin për këtë sepse ata më kanë përdorur mua për këtë si maskë. Fatmirësisht për mua përveç këtyre humoreve, që shpeshherë mund të jenë të ekzagjëruara, ajo përcjellja është pozitive. Ata janë një faqe e pëlqyeshme,e pranueshme. Unë nuk kam asnjë gjë kundër tyre, se puna e parë që do bëja ishte t’u kërkoja të hiqnin nofkën. Me ta nuk mund të them që ndaj ide. Atyre bravo i qoftë ata kanë talent, janë të talentuar dhe e kanë për veten e tyre. Ndoshta i kam ndihmuar për të rritur faqen. Por unë nuk jam i famshëm se më nxjerr brryli. Fjalimet e mia i kanë marrë dhe i ka përdorur 50 brylat Shqipërisë sepse unë jam dikushi se jam munduar t’i afrohem të vërtetës.”, është shprehur Dashamir Shehi.