LIGJET E BIZNESIT
Ish-deputetja e Partisë Demokratike, Grida Duma ka komentuar procesin e integrimit të Shqipërisë. Në një intervistë për News 24, ajo është shprehur se vendi ynë po bën hapa pas. Madje, Duma ka shkuar edhe më tej, teksa ka thënë se Shqipëria po penalizon edhe Maqedoninë e Veriut.
“Meqë Maqedonia e Veriut e ka lidhur trenin e saj me Shqipërinë, do shpresoja që Shqipëria do përfitonte, si rrallë herë në histori, nga një aleat dhe do të kishim një hapje të negociatash për të dy vendet, por fatkeqësisht Shqipëria e penalizoi dhe Maqedoninë e Veriut. Ka shkuar thika thellë në palcë. E paimagjinueshme ishte që të kishte një Holandë që të kërkonte heqjen e lëvizjes së liberalizuar. Imagjinoni sa mbrapa po shkon ky vend”, deklaroi Duma.
Por a ka përgjegjësi edhe opozita, nëse negociatat nuk do të hapen, ish deputetja u shpreh se misioni i saj është “largimi i Ramës me çdo kusht”.
“Opozita ka përdorur mjetet e protestës, argumentimit me të huajt, kemi dalë me logjikën që deri më 18 edhe aksionin opozitarë e kaluam në një kahje tjetër për disa ditë, unë besoj se një ndër mënyrat për të reaguar ndaj këtij është ekstremizmi, se nuk besoj se ka shqiptarë që beson se do ketë reflektim nga Rama.
E vetmja gjë që është në shpatullat e opozitës shqiptare, që nuk është e lehtë, opozita ka misionin dhe detyrë, është që nëse nuk hapen negociatat, Rama duhet të ikë me çdo kusht, ky është fundi. Rama duhet të ikë me mos hapjen e negociatave”, deklaroi Duma.
