“Ata të tre frekuentoheshin” flet nipi i viktimës në Kavajë: Xhaxhai im ka dy plumba, nuk e di a do dalë e vërteta

Një ditë pas ngjarjes që tronditi qytetin e Kavajës, ka folur nipi i viktimës Dritan Haxholli, i cili mbeti i pajetë pas plumbave të Bledar Toçit në banesën e Marsida Qatjas.

Nipi i Haxhollit, ka rrëfyer se Marsida Bashkë me Bledar Toçin njiheshin me Dritanin dhe kanë shkuar disa herë tek shtëpia e nënës së xhaxhait të ndjerë.

Sipas nipit, Haxholli kishte dy plumba dhe jo një siç ka thënë policia.

Ndër të tjera nipi tha se ata të tre frekuenoheshin dhe se shpreson të dalë e vërteta sa më shpejt.

“E kemi marrë lajmin nga mediat. Si ka mundësi në një vend të vogël ta marrësh vesh nga mediat. Polici ka ardhur disa herë në banesën e Dritanit. Më bën përshtypje. Si ka mundësi që një polic nuk ndjek procedurat. Në atë orar e ka pasur jashtë orarit të punës.

Xhaxhai im ka dy plumba, një në faqe dhe një në kraharor. Kështu që nuk e di sa do dalë e vërteta. Për më tepër që personi ka pasur precedentë. Se në një vend si Shqipëria paragjykohesh. Do ishte mirë të dalë e vërteta. Ata të tre frekuentoheshin, për më tepër që është gjetur dhe drogë. Nëse është kjo policia që vepron në këtë mënyrë unë nuk ndihem i sigurt”, tha nipi i viktimës.