“Ti qenke dashnori i kësaj…” zbardhet dëshmia e Bledar Toçit pas vrasjes: Ja çfarë ndodhi në shtëpinë e Marsidës

Një ditë pas vrasjes që tronditi qytetin e Kavajës, ku pas një konflikti me armë zjarri, shefi i sigurisë së burgjeve në Durrës Bledar Toçi qëlloi për vdekje Dritan Haxhollin.

Toci ka rrëfyer përpara grupit hetimor se Marsida Qatja e ka telefonuar duke i treguar se Haxholli e përndiqte.

“Marsida Qatja më telefonoi pasdite dhe më tha se Dritan Haxholli e bezdiste dhe e përndiqte dhe unë i thashë se do e ndihmoja.

Kam shkuar disa herë tek shtëpia e saj gjatë së mërkurës. Marsida më tha se Dritani vjen zakonisht natën aty dhe për këtë arsye unë qëndrova aty në mbrëmje së bashku me Xhuljo Biturkun dhe Ermir Çelën.

I thamë Marsidës se do i bënim ne presion Dritanit që të mos e shqetësonte më. Rreth mesnatës kur ai erdhi dhe me forcë po i binte derës dhe po kërcënonte shkova unë dhe ia hapa derën ndërsa Marsida me 2 shokët ishin në sallon. Sapo ia hapa derën Dritani me tha:’Ti qenke dashnori i kësaj prandaj ajo u nda nga mua’ dhe hapi zjarr direkt me automatik pa më lënë kohë që unë ta sqaroja. Menjëherë sa kam parë kallashnikovin që po e përgatiste për qitje jam shmangur por nga breshëria u plagosa. Për vetëmbrojtje reagova dhe qëllova vetëm një herë”, është shprehur ai.