LIGJET E BIZNESIT
Kryetari i Bashkisë së Vlorës Dritan Leli ka reaguar pas lajmit të djegies së automjetit të tij tip “Range Rover” në orët e para të mëngjesit të sotëm.
Në një komunikim në telefon me gazetarët e së përditshmes “Mapo” Leli ka thënë se nuk i intereson kjo ngjarje pasi ka një problem të madh familjar.
“Kam në gjendje të rëndë vëllanë tim. Nuk më intereson se çfarë ka ndodhur”, citohet të ketë thënë kryebashkiaku.
Kujtojmë se makina tip “Range Rover” ka qënë e parkuar poshtë pallatit në lagjen “Lef Sallata” ku banon shoferi i Dritan Lelit.
Ka dyshime se zjarrëvënia është e qëllimshme.
Policia po heton disa pista, ku një prej tyre është ajo në lidhje me detyrën e Lelit dhe pritet të marrë dëshminë e kryebashkiakut por edhe të pronarit të mjetit tjetër, që është djegur pasi ka qenë i parkuar ngjitur “Range Roverit”.
