Nuk kanë fund detajet nga ngjarja e rëndë në Kavajë ku pas sherrit në banesën e Matilda Qatjas, humbi jetën Dritan Haxholli, dhe mbeti i plagosur shefi i sigurisë në burgun e Durrësit, Bledar Toçi.
Mësohet se Marsida Qatja ka qenë më herët nën hetim nga prokuroria e Kavajës.
Shkak për këtë është bërë fakti se Qatja dhe e motra kishin një agjensi turistike, nga e cila shisnin bileta fiktive.
Parukierja nga Kavaja, e cila deri tani akuzohet nga policia për mashtrim, ishte e martuar dy herë dhe kishte tri fëmijë nga të dyja martesat.
E ndarë nga burri i parë, ndërsa të dytin e kishte në burg në Gjermani, Qatja kishte patur një lidhje dashurie me viktimën Dritan Haxholli.
Po ashtu mësohet se ngjarja e rëndë ka ndodhur në sy të tre fëmijëve të mitur të Qatjas, ndërsa në banesë ndodheshin dhe dy persona të tjerë, që nuk dihet ende se çfarë roli kanë pasur në vrasje.
Bëhet me dije se ata janë Xhuljo Biturku, djali që shihni në këtë foto dhe Ermir Çela. Xhuljo është fqinj i Marsidës ndërsa Ermiri shok i saj.
