Tension te Drejtoria e Policisë, banorët e Astirit përplasen keq me policët, tentojnë të hyjnë në godinë (FOTO)

Banorët që protesojnë tashmë prej 1 viti në Tiranë kundër prishjes së objekteve te Unaza e Re, kanë marshuar ditën e sotme nga Astiri për tek godina e Drejtorisë së Policisë Tiranë.

Situata ka përshkallëzuar në tensione në momentin që banorët kanë tentuar të hyjnë brenda ambienteve të godinës.

Ata kanë thyer edhe njërën nga dyert e Drejtorisë së Policisë.

Pas ndërhyrjes së FNSH dhe forcave Shqiponja dhe ish-deputetëve të Partisë Demokratike dhe LSI Klevis Balliu dhe Endrit Brahimllari, duket se situata është qetësuar.

Banorët kanë nisur protestat pas arrestimit nga policia të tre personave Skënder Doda, Ilir Katiraj dhe Gramoz Shehu.

Ata u vunë në pranga mëngjesin e sotëm pasi dje bllokuan rrugën.

Shkak për arrestimin janë ndryshimet në Kodin Penal, ku bllokimi i rrugës është klasifikuar si një vepër penale, dhe kushdo që shkel ligjin nga 8 tetori hyn në burg.