Ka nisur protesta përpara godinës së Gjykatës Administrative në mbrojtje të Kopshtit Botanik në Tiranë.
Të pranishëm janë pedagogë të Fakultetit të Shkencave të Natyrës dhe student të cilët kundërshtojnë vendimin e Këshillit të Ministrave që Kopshti Botanik, t’i kalojë në administrim Bashkisë së Tiranës.
Ata thonë se Kopshti Botanik është qendër kërkimore për studentet dhe nuk mund ta marrë Bashkia e Tiranës.
“Nuk do të lëshojmë që Kopshti botanik t’i kalojë bashkisë. Ne do të ndjekim të gjitha kushtet ligjore. Nuk mundet që ministria të japë kopshtin botanik bashkisë së Tiranë. Ajo është një qendër kërkimore për studentët”, u shpreh një nga pedagogët.
