Një çift bashkëjetuesish në Tiranë kanë përfunduar në prangat e policisë.
Sipas bluve të kryeqytetit është arrestuar shtetasi R.H pasi ka ushtruar dhunë fizike ndaj bashkëjetueses, shtetases A.K 37 vjeç.
Por gjithashtu në pranga ka rënë edhe kjo e fundit, pasi gjatë kontrollit policia i ka gjetur një armë që e mbante pa leje.
NJOFTIMI ZYRTAR I POLICISE
Shërbimet e Komisariatit të Policisë Nr. 6 arrestuan në flagrancë për veprën penale “Dhuna në familje” shtetasin R. H., pasi ka ushtruar dhunë fizike ndaj bashkëjetueses, shtetases A. K., 37 vjeçe.
Gjithashtu u arrestua në flagrancë për “Mbajtja pa leje e armëve luftarake dhe e municionit” dhe shtetasja e lënduar A. K. Gjatë kontrollit të ushtruar, kësaj shtetaseje iu gjet në sahatin e ujit të pallatit ku banonte një armë zjarri pistoletë, e cila u sekuestrua në cilësinë e provës materiale.
Materialet procedurale iu referuan për veprime të mëtejshme Prokurorisë së Rrethit Gjyqësor Tiranë.
