LIGJET E BIZNESIT
Afrim Krasniqi, drejtori ekzekutiv i Institutit për Studime Politike, ka bërë mbrëmjen e djeshme një deklaratë shumë të fortë.
I ftuar në programin “Tempora” Krasniqi është shprehur se një person që gjendet në “listën e zezë” të Amerikës ndodhet në Kryesinë e Partisë Socialistë.
Ndër të tjera Krasniqi shtoi se ka dhe individë të tjerë që dhe pse janë lakuar publikisht emrat e tyre por dhe janë cilësuar si një nga 100 njerëzit më të korruptuar në Shqipëri, mbajnë poste të larta publike.
“Kur dënon Gjykata dhe Prokuroria, kur personi ka vepër penale si është e mundur që ekzekutimi dhe partitë politike nuk e largojnë nga administrata siç e kërkon ligji. Ne kemi një individ që është në listën e zezë amerikane, është publik dhe vazhdon të jetë edhe në kryesinë e PS-së. Kemi një njeri tjetër po në strukturë që vazhdon të jetë. asnjë njeri nuk është larguar. Kemi individë që na është thënë publike që këta janë 100 njerëzit më të korruptuar dhe njëri prej tyre është emëruar në një nga postet më të larta në vend dhe na u tha pastaj që është listë facebook-u po në fakt u bë lista publike. Këto janë problemet”, u shpreh Afrim Krasniqi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
