Vendimi për hapjen e negociatave për Shqipërinë po shihet me interes nga të gjitha vendet e Europës.
Ditën e sotme në Televizionin shetëror në Estoni, ka qenë i ftuar Presidenti Ilir Meta. I pyetur mbi vendimin që pritet pë merret disa ditë më pas për hapjen ose jo të negociatave si dhe për skepticizmin e disa vendeve të Unionit, Meta u ka kërkuar Hollandës dhe Francës të ndjekin shembullin e Gjermanisë.
“Pse Bashkimi Europian duhet t’i mbajë dyert e saj hapur për zgjerimin përkundrejt Shqipërisë? Sepse Ballkani është shumë jetësor për qëndrueshmërinë, sigurinë dhe të ardhmen e Bashkimit Europian. Dhe mbajtja hapur e dyerve të zgjerimit për Shqipërinë, për Maqedoninë e Veriut, e cila e meriton plotësisht si dhe për vendet e tjera, që shpresojnë të vazhdojnë në këtë rrugëtim, mendoj se ky do të ishte një investim për qëndrueshmërinë dhe sigurinë e këtij rajoni, që ka qenë dhe do të jetë shumë jetësor për qëndrueshmërinë e mbarë kontinentit”, është shprehur Presidenti.
Ndër të tjera Meta është pyetur edhe për ngërçin mes Parlamentit dhe Presidencës si dhe për krizën e sistemit gjyqësor.
