Autori i plagosjes së biznesmenit Rexhep Tare me kallashnikov në mes të Kavajës pak javë më parë, do të dërgohet në Qendrën e Psikiatrisë në Tiranë.
Vendimi është marrë nga Prokuroria e Kavajës.
Pas ngjarjes që tronditi jo vetëm këtë qytet por edhe mbarë opinionin publik, autorit Fitim Baboçi iu caktua masa e sigurisë “arrest me burg”.
Por për shkak të gjendjes së tij të rënduar psikologjike, Prokuroria ka kërkuar që ta dërgojnë në Psikiatri.
Baboc çi ka rrëfyer në dëshminë e tij në polici se e kishtë bërë plagosjen pasi Tare kishte kohë që e ofendonte.
Në dëshminë që ka dhënë para policisë, autori i krimit ka pohuar se “…këtë akt unë e bëra nga gjendja e rënduar psikologjike, sepse Rexhep Tare ka shumë kohë që më ofendon dhe më shan duke më thënë publikisht se “…ti je i mallkuar dhe përdhunues…”. Konkretisht isha poshtë pallatit tek zona ku unë banoj në Kavajë, pashë personin që më ka nxjerrë namin u revoltova dhe kam marrë armën në banesën time dhe mendova që ta plagosja tek këmba…”.
