Mike Pompeo habit me deklaratën: Ja cili është shteti që SHBA dëshiron të udhëheqë Ballkanin

Sekretari amerikan i Shtetit Mike Pompeo në kuadër të turit të takimeve që ka mbajtur me krerët e shteteve të Ballkanit Perëndimor, ka vizituar dhe Greqinë.

Gjatë një interviste për televizionin grek “Sky” Pompeo i ka befasuar të gjithë në momentin që ka deklaruar se Greqia duhet të udhëheqë Ballkanin duke theksuar se kjo është dhe një dëshirë e SHBA.

Pompeo ndër të tjera theksoi se në një kontekst më të gjerë, Shtetet e Bashkuara të Amerikës kujdeset që Ballkani të stabilizohet pasi ky është një rajon plot me sfida dhe se ata duan ta shohin Greqinë duke e udhëhequr atë, raporton ANA.

“Ne duam një fillim të ri me kryeministrin e ri Kirijakos Micotakis dhe ekipin e tij që të udhëheqë rajonin përpara dhe krijimin e stabilitetit në të gjithë rajonin,” tha Pompeo.