Digjet qëllimisht makina e gjyqtares së njohur në Tiranë, mjeti në pronësi të të birit avokat (EMRAT)

Mbrëmjen e djeshme janë djegur 2 automjete në zonën e “Vasil Shantos” në Tiranë.

Mësohet se një prej makinave të djegura është në pronësi të avokatit Loren Lico por që e përdorte nëna e tij gjyqtare Arjana Lico, e cila punon në Gjykatën e Tiranës.

Dyshohet se zjarri ka qenë i qëllimshëm dhe se mjetet tip “Volkswagen golf 6” dhe “Volkswagen Passat” kanë qenë të parkuar a te oborri i pallatit.

Kamerat e sigurisë kanë fiksuar një mashkull me kostum sportiv të bardhë me kapuç, i cili afrohet  mjetit golf 6 në pronësi të Licos dhe pasi e spërkat i vë zjarrin dhe largohet me vrap.

Mjetet janë djegur pjesërisht me dëme të lehta, pasi flakët u fikën menjëherë nga kalimtarët te cilët ndërhynë sapo panë flakët.

Në vendngjarje u gjet e sekuestrua në cilësinë e provës materiale një shishe plastike gjysmë e djegur, të cilën përdori autori për të spërkatur makinat.