Ditën e sotme ka pasur një përplasje të fortë midis Inspektorëve të Mbrojtjes së Territorit në Bashkinë e Tiranës dhe banorëve të rrugës “Muharrem Butka” në zonën e liqenit.
Tensionet kanë ardhur pasi inspektorët kanë ndërhyrë për të prishur muret rrethues të disa banesave.
Banorët pretendojnë se askush nuk i ka njoftuar më parë për këtë ndërhyrje dhe shprehen se muri është brenda pronës së tyre dhe se IKMT ka ardhur në befasi pa një urdhër shpronësimi.
Gjatë ndërhyrjes ka pasur përplasje të forta. Banorët janë shtyrë nga inspektorët e baskisë dhe një prej tyre është lënduar në kokë dhe krah.
Të gjendur përballë dhunës së inspektorëve të bashkisë, banorët janë tërhequr dhe kanë lejuar vijimin e punës.
