Zgjedhjet në Kosovë, Meta uron qytetarët dhe klasën politike: I treguat mbarë botës se keni një shtet funksional

Presidenti Ilir Meta ka komentuar procesin e votimit në Kosovë ku deri më tani rezulton në avantazh të thellë kandidati për kryeministër Albin Kurti.

Meta përshendet rezultatin e zgjedhjeve ku fituese doli Vetëvendosja me në krye liderin Kurti dhe shkruan se këto votime ishin një shembull i shkëlqyer i funksionimit të demokracisë.

Meta më tej ka uruar qytetarët e Kosovës dhe klasës politike që i treguan mbarë botës se Kosova është një shtet jo vetëm tërësisht funksional po dhe shembull i demokracisë në rritje.

“Zgjedhjet e djeshme në Kosovë, një shembull i shkëlqyer i funksionimit të demokracisë dhe i besimit te demokracia dhe vota e lirë. Urime qytetarëve të Kosovës dhe klasës politike, që i treguan mbare botës se shteti i Kosovës është jo vetëm tërësisht funksional, por edhe një shembull i demokracisë në rritje, në një rajon që ende vuan nga autoritarizmi dhe pamundësimi i zgjedhjeve tërësisht të lira, si ato që e gjithë bota ndoqi dje në Kosovë!,”-shkruan Meta.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern