A do të negociojë Beogradi me Albin Kurtin kryeministër? Ja si përgjigjet Aleksandar Vuçiç

Presidenti serb Aleksandër Vuçiç është shprehur se Lista Serbe ka arritur fitorën më bindëse në historinë e saj politike me 98.07% të votave në zgjedhjet parlamentare të Kosovës dhe fitoi të gjitha 10 vendet në parlament.

Vuçiç deklaroi në një konferencë për shtyp se ky ishte një mesazh i fortë nga ana e serbëve të Kosovës se ata do të jenë gjithnjë në mbrojtje të interesave të tyre në Kosovë.

Në të gjitha vendet, siç ka shtuar Vuçiç, Lista Serbe mori më shumë se 90 për qind të votave në zgjedhjet në Kosovë.

Ai nuk ka përjashtuar mundësinë që ‘Vetëvendosja’ e Albin Kurtit, të dalë fituese e zgjedhjeve në Kosovë, e cila gjë, siç ka thënë ai, nuk do të ishte gëzim për të, por që nëse kjo ndodhë, Beogradi do të negociojë me të si një përfaqësues legjitim i shqiptarëve dhe se këto do të jenë bisedime të vështira.

Presidenti serb gjithashtu vlerësoi se populli serb në Kosovë, me fitoren e Listës Serbe, “tregoi pjekuri dhe dashuri të madhe për Serbinë, mbrojti veten kundër zhdukjes dhe mori përfaqësim të fortë politik, me të gjitha dhjetë vendet në parlamentin e Kosovës”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern