Kosovë/ Numërohen mbi 95% të votave, Albin Kurti në avantazh të thellë, fton si kryeministër LDK për koalicion

Dita e djeshme ka shënuar dhe zhvillimin e zgjedhjeve të parakohshme në Kosovë.

Ndërkohë që këto votime kanë qenë hap pas hapi në vëmendjen e të gjithë mediave, numërimi tashmë mësohet se është drejt fundit.

Albin Kurti, lideri i Lëvizjes Vetëvendosje ka marrrë numrin më të madh të votave në Kosovë.

Mësohet se deri tani janë numëruar mbi 95% e kutive.

Sipas rezultateve Albin Kurti ka marrë 25.79% të votave dhe pas saj renditet Lidhja Demokratike e Kosovës me 25.05% të votave.

E treta në garë rendit PDK-ja me 21, 15% të votave.

Pas rezultatit të thellë në favor të tij, Albin Kurti shpalli fitoren dhe u shpreh se ai dhe partia e tij janë të gatshëm që të ftojnë LDK, Vjosa Osmanin për një koalicion paszgjedhor për të krijuar qeverinë e re.

Po ashtu Kurti deklaroi se do të mbajë të gjitha premtimet që ka bërë më herët.

“Sigurisht se ne gjithmonë i kemi konsideruar LDK-në si partnerë në opozitë. Kemi bërë hapa të bashkërenduar. Fatkeqësisht nuk arritëm ta shndërrojmë në projekt të përbashkët si deshëm. Së bashku do t’i kemi 60 deputetë. Unë si kryeministër i ardhshëm i Republikës së Kosovës preferoj një qeveri stabile dhe patjetër e shoh si partnerë LDK-në. Nesër do ta ftoj LDK-në për të krijuar koalicionin.”– tha Kurti.