Liridon Pula, ish-drejtori i Kadastrës Shtetërore në Durrësi cili u arrestua për shpërdorim detyre, rezulton se ka favorizuar një kompani për regjistrim pronash në zonën e Gjirit të Lalëzit.
Në kërkesën e Prokurorisë, Arjan Ndoja për vendosjen e masës së sigurisë “Arrest me burg” për 36-vjeçarin Pula, thuhet se, janë kryer shkelje të rënda gjatë procedurës së ndjekur.Kjo bëri që Gjykata e Durrësit të pranojë kërkesën për ish-drejtorin e Kadastrës, duke e lënë në burg pa afat .Në dosjen e Prokurorisë theksohet fakti se procedimi penal ka nisur që më 22 shtator, pikërisht një ditë pasi një qytetar ka bërë denoncim në Policinë e Durrësit.
Ka qenë pikërisht Policia, e cila pas informacionit në rrugë operative, i ka kaluar Prokurorisë materialet për rastin se në Zyrën e Agjencisë Shtetërore të Kadastrës Durrës është bërë regjistrim fillestar i një numri të konsiderueshëm pasurish, në favor të subjektit investitor “Lura” shpk. Në dosje thuhet se bëhet fjalë për prona në Gjirin e Lalëzit, në zonën Kadastrale 2375.
