Ditën e sotme Prokuroria e Krimeve të Rënda ka dhënë pretencën duke kërkuar dënimin me 35 vite burg për Marjana Çmetën.
Çmeta akuzohet se në 30 maj të vitit 2017 ka helmuar për vdekje me fotoksinë ish-vjehrrën e saj Lirie Lami.
Prokuroria pretendon se vrasja është bërë me paramendim dhe është mbajtur e fshehtë nga nusja dhe hoxha Hysen Shehu, te i cili Marjana rrëfeu për plot 72 minuta skenën e krimit të rëndë.
Në fillim u pretendua se Liria kishte vdekur nga shkaqe natyrale por pas pesë ditësh familjarëve dhe të birit Oltjanit i lindën dyshime se ajo ishte vrarë dhe kërkuan me insistim nga organet kompetente që ngjarja të zbardhej.
E reja e pranoi vrasjen e ish-vjehrrës 48 vjeçare pasi dyshonte se do t’i bënte magji.
Kujtojmë se gjatë kohës së krimit nusja ishte shtatzanë.
Pas kësaj ngjarjeje të rëndë, dy familjet Çmeta dhe Lami i ndërprenë përfundimisht marrëdheniet dhe çifti Marjana dhe Oltjan shkuan drejt divorcit.
