Kryeministri Edi Rama ka komentuar akuzat e Partisë Demokratike se kandidati i socialistëve në Shkodër, Valdrin Pjetri ka qenë i dënuar në Itali.
“Individi duhet të mbajë përgjegjësi për deklarimet e tij dhe jo Partia”. Ka qenë kjo deklarata që kryeministri Edi Rama ka bërë në emisionin “Real Story”, i pyetur mbi akuzat e opozitës se kandidati i socialistëve në Shkodër, Valdrin Pjetri ka qënë i dënuar në Itali.
“Është skandaloze që në një shoqëri si e jona të predikohet se përgjegjësia individuale nuk është individuale por e partisë. Ça duhet të bëjmë ne të hapim sallë torturash që të tregojnë? Ka vetëdeklarim.
Do ta bëjmë eksplicite; kush bën deklarim të rremë, shkon në burg. Letrat e PD-së janë marrë në rrugë ilegale. Në Itali nëse ke bërë një krim para 10 vitesh, fshihet nuk e gjen më kurrë. Vetëm në Polici. Dikush që gënjen ka përgjegjësi personale. Kjo duhet ndarë”, u shpreh Rama.
