LIGJET E BIZNESIT
Ditën e sotme policia ka finalizuar një operacion kundër informalitetit dhe pastrimit të parave të përfituara nga veprimtaria kriminale.
Për rrjedhojë janë sekuestruar 70.000 euro dhe një automjet luksoz me vlerë 100.000 euro në pronësi të shtetasit Julian Sulo, të cilat dyshohet se janë përfituar nga aktiviteti kriminal në fushën e narkotikëve dhe krimeve kundër personit.
Pas informacioneve të mara në rrugë operative se shtetasi Julian Sulo merrej me aktivitet kriminal në fushën e narkotikëve dhe krimeve kundër personit, nga strukturat e Krimit Ekonomik e Financiar në DVP Fier u ushtrua kontroll në banesën e tij, ku u gjetën dhe sekuestruan në cilësinë e provës materiale 70 000 euro dhe 1 automjet me vlerë rreth 100 000 euro.
Specialistët për Hetimin e Krimit Ekonomik e Financiar në Drejtorinë Vendore të Policisë Fier referuan materialet në Prokurorinë pranë Gjykatës Shkallës së Parë Lushnjë, për veprën penale “Pastrimi i produkteve të veprës penale ose veprimtarisë kriminale” për shtetasin Julian Sulo 39 vjeç, banues në Lushnjë.
Ndërkohë vijojnë hetimet dhe verifikimet për evidentimin e pasurive të tjera që mund të jenë në emër të këtij shtetasi dhe personave të lidhur me të.
