E rëndë/ Pas sherrit për pronën, vëllai vret me armë zjarri vëllain dhe nipin (EMRAT)

Një ngjarje e rëndë ka ndodhur përpara pak minutash në Xibër të Klosit,  ku pas një konflikti mes dy vëllezërve për motive pronësie, janë përdorur dhe armët e zjarrit.

Si pasojë e plumbave, viktimë kanë mbetur babë e bir, pasi vëllai ka qëlluar vëllanë dhe nipin.

Mësohet se pas konfliktit, Sali Dakuci ka qëlluar me armë vëllain e tij Kujtim Dakuci dhe nipin djalin e Kujtimit.

Njëri prej  vëllezërve Kujtim Dakuci 55 vjeç dhe i biri Gerti Dakuci 17 vjeç kanë ndërruar jetë.

Trupat e tyre ndodhen në morgun e spitalit të qytetit të Burrelit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Policia është vënë në ndjekje të autorit Sali Dakuci.

Mësohet se dy vëllezërit për shkak të një konflikti pronësie nuk flisnin me njëri tjetrin prej vitesh dhe as nuk kishin hyrje-dalje, por ende nuk dihet se si ata janë përballuar këtë të marrtë, sherr ky i cili përfundoi në tragjedi.

Krimi ndodhi në fshatin Xiber Hane në bashkinë e Klosit.