Nuk ka qetësi në Shqipëri, regjistrohet një tjetër lëkundje tërmeti

Mesditën e sotme është regjistruar një tjetër tërmet në vend, me epiqendër në Shijak.

Mësohet se tërmeti ishte me thellësi 10 km, dhe magnitude 3.4 ballë i shkallës Rihter.

Lëkundja është regjistruar rreth 12 km nga Shijaku dhe rreth 31 km nga Tirana.

Kujtojmë se disa ditë më parë, Shqipëria u godit nga tërmet i fortë 5.8 ballë, i cili shkaktoi dëme të shumta materiale dhe panik tek qytetarët, por fatmirësisht nuk pati viktima.