LIGJET E BIZNESIT
Duke filluar nga nesër, transmetimet analoge për qarkun e Tiranës dhe Durrësit do të mbyllen. Është ky vendimi që ka marrë sot Autoriteti i Mediave Audiovizive, i cili për qarkun e Vlorës ka shtyrë afatin deri në një datë e dytë. Sipas AMA-s, në treg ka mjaftueshëm dekodera dhe qytetarët mund ta sigurojnë një të tillë pa asnjë problem.
Por çfarë përfitojnë qytetarët nga ky proces? AMA jep këtë shpjegim në njoftimin për shtyp: “Me kalimin në transmetimet numerike, shikuesit kanë mundësi të ndjekin 38 kanale pa pagesë, të cilat mund të shikohen nga të gjithë dekoderat e tipit DVB-T2, më shumë se në çdo vend tjetër të Ballkanit.
Mbulimi me sinjal numerik i territorit dhe cilësia e transmetimit përmes teknologjisë digjitale janë shumë herë më të larta krahasuar me teknologjinë analoge”, theksohet në njoftimin e AMA-s.
Ky institucion bën të ditur se pavarësisht se pjesa më e madhe e qytetarëve tashmë janë të pajisur me dekodera, ata që nuk e kanë marrë ende këtë pajisje, të përgatiten për të mundësuar aksesin në transmetimet televizive numerike.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
