LIGJET E BIZNESIT
Gjatë natës së djeshme janë shënuar të shtëna me armë zjarri në qytetin e Shijakut.
Nuk raportohet për të lënduar në njerëz.
Sipas informacionit të policisë, një 27 vjeçar ka qëlluar drejt një makine brenda së cilës ndodhej një çift.
Ngjarja mësohet se ka ndodhur pas një konflikti të çastit për motive të dobëta, ku autori ka qëlluar në drejtim të automjetit që drejtohej nga shtetasi F.K 30 vjeç dhe ku pasagjere ishte shtetasja XH.K 30 vjeç.
Menjëherë pas ngjarjes autori me iniciale I.B është shpallur në kërkim dhe policia po punon për kapjen e tij.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
NJOFTIMI ZYRTAR I POLICISE
Specialistët për Krimet në Komisariatin e Policisë Shijak, pas një pune hetimore intensive dhe reagimit në kohë kanë bërë të mundur identifikimin e autorit të ngjarjes së ndodhur mbrëmjen e djeshme në Shijak. Në përfundim të veprimeve të para hetimore është shpallur në kërkim dhe po punohet për kapjen e shtetasit I.B., 27 vjeç, për veprat penale ‘Vrasja në rrethana të tjera cilësuese’ e mbetur në tentativë dhe ‘Armëmbajtja pa leje’”, njoftoi policia.
Ky shtetas dyshohet se pas një konflikti të çastit për motive të dobëta ka qëlluar me armë zjarri në drejtim të automjetit që drejtohej nga shtetasi F.K., 30 vjeç, ku ishte pasagjere shtetasja Xh.K., 30 vjeçe, banuese në Shijak.
Nuk ka asnjë të lënduar, veç dëme materiale të automjetit.
Materialet i kaluan Prokurorisë së Rrethit Gjyqësor Durrës për veprime të mëtejshme, thuhet në njoftimin paraprak të policisë.
