Prokuroria jep pretencën për gjyqtarin që mori ryshfet dhe kërkoi favore seksuale

Ditën e sotme Prokuroria për Krimet e Rënda ka dhënë pretencën për gjyqtarin e Fierit Roland Hysi, i cili akuzohet për veprën penale të korrupsionit. Organi i akuzës ka theksuar se gjyqtari në fjalë ka përfituar ryshfet në shumën e 500 eurove si dhe ka kërkuar favore seksuale ndaj një gruaje, e cila ka qenë palë në një proces, që drejtohej nga Hysi.

Gjyqtari i Fierit për shkak të gjykimit të shkurtuar përfiton një të tretën e dënimit dhe si rrjedhojë organi i akuzës kërkoi dënim plotësues për të, duke kërkuar që ai të mos ushtrojë poste publike për tre vitet e ardhshme.