I dënuar me 13 vite burg në Itali, arrestohet në Tiranë anëtari i grupit kriminal (EMRI)

Policia e Tiranës ka arrestuar ditën e sotme një person të dënuar në Itali me 13 vite burg për trafik droge.

Mësohet se i arrestuari është Martin Prendi, lindur në Pukë.

Sipas të dhënave, ai rezulton të jetë dënuar në Itali për shpërndarje të heroinës dhe kokainës si dhe pjesëmarrje në grup të strukturuar kriminal.

Prendi është dënuar në mungesë në vitin 2012 me 13 vite burg. Grupi i strukturuar kriminal përbëhej nga shtetas shqiptarë, turq dhe italianë, të cilët kontrollin rrjetin e shpërndarjes së drogës në Milano.

Gjykata e Krimeve të Rënda i ka caktuar masën 40 ditë në burg deri në pritje të kërkesës zyrtare të autoriteteve italiane për ekstradim.