Një operacion ndërkombëtar kundër trafikut të drogës ka çuar në pranga 5 persona në Itali, mes të cilëve 3 shqiptarë dhe 2 tunizianë. Ndërhyrja u koordinua pas një hetimi të vështirë nga prokuroria e Perugia-s.
Bëhet fjalë për një trafik ndërkombëtar lidhur me shpërndarjen e drogave: heroinë, kokainë, hashash, opium dhe ilaçe sintetike.
Karabinierët kishin arrestuar fillimisht një italian nga Perugia, cili, pasi ishte kthyer nga Maroku iu gjet në banesë një sasi të madhe hashashi, por edhe opiumi, kokainë dhe ketaminë e lëngshme, shkruajnë mediat e vendit fqinj.
Më pas, hetimet çuan në arrestimin e një tuniziani, një nigeriani dhe një kamerunasi, të gjithëve iu të gjetur në sasi të rëndësishme të heroinës: një ilaç i destinuar për të furnizuar grupin kriminal me seli në Perugia. Karabinierët kanë ç’montuar grupin kriminal, që veprimtarinë e kishte shtrirë pikërisht në Perugia.
Gjatë operacionit, janë sekuestruar më shumë se 3 kilogramë drogë (1.7 hashash, 700 ml ketaminë në formë të lëngshme, 600 gram heroinë, 220 gram opium dhe 36 gram kokainë). Nëse lënda narkotike e sekuestruar do të shitej në treg, grupi do të fitonte së paku 100 mijë euro.
