Pas tërmeteve “çmendet” moti, cilat janë qytetet që do preken nga shirat e dendur dhe shtrëngatat

Pas tërmeteve të njëpasnjëshme që goditën vendin në fundjavë, edhe moti ka nisur me ndryshime këtë të hënë.

Tirana u përfshi paraditen e sotme nga reshjet e shiut, dhe pritet që ato të vazhdojnë dhe për 24 orët e ardhshme.

Por jo vetëm Tirana, reshje intensive shiu dhe shtrëngatat do të vinë edhe në qytete të tjera.

Më poshtë parashikimi i motit nga Instituti i Gjeoshkencave

Sot pasdite (e hënë, dt.23) dhe nesër (e martë, dt.24) priten reshje intensive në qarqet Lezhë, Durrës, Tiranë dhe lokalisht shumë intensive. Në qarqet Shkodër, Dibër, Elbasan, Fier, Vlorë dhe Gjirokastër priten reshje mesatare dhe lokalisht intensive. Ndërsa në qarqet Kukës, Berat dhe Korçë priten reshje të dobëta (siç tregohet në tabelë, respektivisht për secilin qark). Reshjet pritet të jenë në formë shtrëngate të shoqëruara me stuhi në veriperëndim të vendit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

TEMPERATURAT

Nesër (e martë, dt.24) temperaturat minimale dhe maksimale të ajrit pritet të arrijnë:
në bregdet: 19 / 22 °C
në vendet e ulëta: 18 / 23 °C
në vendet malore: 13 / 20 °C.

ERA

Sot pasdite (e hënë, dt.23) dhe nesër (e martë, dt.24) era pritet të fryjë e lehtë deri mesatare.