Në mesnatë kryeministri Edi Rama ka mbledhur qeverinë për situatën e krijuar nga tërmetet. Duke folur gjatë mbledhjes së jashtëzakonshme, Rama tregoi se ishte në udhëtim kur ra ky tërmeti, por e ka monitoruar situatën nga grupet e Whatsapp dhe përgëzoi autoritetet për menaxhimin e situatës.
“Dua të falenderoj me gjithë zemër, të gjithë trupën e bluzave të bardha dhe gjithë ekipet drejtuese të strukturave të shëndetit shëndetësor, për organizimin e mirë gjatë gjithë orëve pas tërmetin.
Dua të falenderoj edhe Ogertën, që e ka kryer me shumë përgjegjësi dhe rezultat detyrën e saj. Më vjen mirë që ka funksionuar në kohë reale i gjithë sistemi i emergjencave, thithja e informacionit në terren, përcjella e tij, si edhe organizimi kapilar në të gjithë territorin.
Për shkak se nuk u gjenda këtu, por isha në mes të udhëtimit për në SHBA, e konstatova këtë nga gjithë fluksi i informacionit që merrja në kohë reale përmes grupeve të Whatsapp që janë organizuar për të ndjekur situate të tilla“, deklaroi Rama.
Mbledhja e jashtëzakonshme e qeverisë ka vijuar me raportimet mbi situatën në terren nga ministrja Olta Xhaçka, Sandër Lleshaj dhe Ogerta Manastriliu.
