Stadiumi më i ri dhe më i madhi në Shqipëri pritet të jetë shumë shpejt gati. Impianti i ri moderne me më shumë se 22 mijë vende të ulura është thuajse gati me 90 % të punimeve që janë kryer.
Mësohet se edhe procesi i shtrimit të tapetit është drejt fundit bashkë me vendosjen e stolave.
Pas kësaj mbetet të mbyllen disa punime dekorative të brendshme dhe sistemimi përreth stadiumit.
Ndeshja e parë zyrtare pritet të jetë sfida Shqipëri – Andorra e vlefshme për eliminatoret e kampionatit botëror, e cila me siguri do të paraprihet nga një ndeshje kontrolli që mund të jetë e Superligës ose miqësore.
