Fluks regjistrimesh në Universitetin Mesdhetar të Shqipërisë

Programet e Fakultetit të Shkencave Juridike në Universitetin e Mesdhetar edhe këtë vit mbeten ndër të preferuarit për maturantët. Dekani, Ksenofon Krisafi thotë se pranimet kanë qenë cilësore.

Raundi i parë ka shënuar fluks regjistrimesh në Universitetin Mesdhetar.  Fakulteti i Shkencave Juridike dhe Marrëdhënieve Ndërkombëtare është ndër më të preferuarit nga maturantët. Dekani, Ksenofon Krisafi thotë për Ora News se në universitet po pranohen të rinj me rezultate të larta.

“Ne synojmë për të marrë në Fakultetin e Shkencave Juridike dhe Marrëdhënieve Ndërkombëtare djem dhe vajza që na vijnë nga gjimnazet me cilësi të lartë”, shprehet ai.

Profesor Krisafi shprehet se formimi i brezave të rinj është me rëndësi edhe për suksesin e reformës në drejtësi. “Është një brez që premton, sepse e ka kuptuar rëndësinë e detyrës që marrin përsipër, të profesionit që do të ushtrojnë dhe të misionit të rëndësishëm që kanë përpara, që është realizimi me sukses i Reformës në Sistemin e Drejtësisë”, deklaron dekani.

Stafi i kualifikuar, por edhe infrastruktura moderne e dallojnë Universitetin Mesdhetar nga institucionet e tjera të arsimit të lartë.

“Pedagogë, të cilët janë të formuar brenda vendit me rezultate shumë të mira, që kanë grada dhe tituj shkencor, por edhe pedagogë që kanë mbaruar jashtë dhe ju ka siguruar këtu një mikrokozmos akademik në Universitetin tonë”, shprehet Krisafi për Ora News.

Këtë vit akademik, Universiteti Mesdhetar ofron për studentët e rinj rreth 2 mijë e 400 kuota.