Presidenti Ilir Meta po shpjegon argumentet në Komisionin Hetimor në lidhje me arsyet se përse vendosi të anulonte zgjedhjet vendore të 30 qershorit.
Meta ka treguar se një nga arsyet e vendimit ishte stabiliteti i vendit.
Presidenti zbuloi se një ditë përpara se të bentë paralajmërimin për 30 qershorin ka marrë informacion të cilin e quan si sekret shtetëror se do të digjej godina e Kuvendit.
Sipas Metës, kjo do të bëhej duke shfrytëtuar protestën e opozitës më 8 qershor.
“Një arsye themelore, është siguria publike, stabiliteti i vendit. Nuk do doja të bëja një ekspoze më të gjatë. Presidenti për shkak të detyrës së tij ka patur info të mjaftueshme si në rrugë zyrtare, qoftë edhe përmes burimeve të tjera, për akte destabilizimi në vend. Një ditë para se presidenti të bënte paralajmërimin ë tij, për anullimin e zgjedhjeve ka marrë një info që është sekret, nëse komisioni dëshiron të njihet me të mund edhe të ndodhë.
Por me pak fjalë ky info bënte të qartë se persona të caktuar do të përpiqeshin të shfrytëzonin mitingun e opozitës, përvec akteve të tjera edhe djegien e Kuvendit. Ishte tërësisht i besueshëm, po të keni parasysh protestat e mëparshme, ngjarjet, pasojat nga protestat si rezultat i të cilave i keni në konsideratë edhe deklratat e ministrisë së brendshme.
Duke i kombinuar këto padyshim që presidenti nuk mund të pranonte apo lejonte apo shmngte një ngjarje që mund të prodhonte jo vetëm plagosje por edhe pasoja për jetën e qytetarëve. Së bashku me ekipin tim të sigurisë, bazuar në të gjitha info, por edhe në këtë sekret, gjykuam se ishte momenti i duhur për të parandaluar një ngjarje që mund të sillte pasoja të mëdha.”, u shpreh presidenti.
