Takimi me zyrtarët e DASH, Kryemadhi: Kemi nevojë për zgjedhje të lira dhe të ndershme

Pas kryeministrit dhe kreut te PD, ishte radha e kryetares së LSI, Monika Kryemadhi, për të pritur në një takim drejtorin e ri për Europën Qendrore e Jugore në Departamentin Amerikan të Shtetit, David Kostelancik.

Pas takimit me Kostelancik Kryemadhi thotë se falënderoi atë për mbështetjen ndër vite që SHBA ka dhënë për progresin demokratik të Shqipërisë.

Gjithashtu ajo dhe mbështetjen e veçantë për anëtarësimin në NATO dhe rrugëtimin e vendit tonë drejt Bashkimit Europian e cila tani është më pranë se kurrë, por që nuk mund të vijë pa zgjedhje të lira.

“Shqipëria ka nevojë kritike për hapjen e negociatave në tetor. Hapja e negociatave është e kushtëzuar vetëm me zgjedhje të lira e të ndershme. Për këtë arsye, zgjedhjet duhet të zhvillohen sa më parë dhe me standarde, pasi kjo është e vetmja rrugë për integrimin europian të Shqipërisë”, deklaroi Kryemadhi në lidhje me krizën aktuale politike.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern