LIGJET E BIZNESIT
Pas publikimit të skandalit të lejimit të shitjes së kimikatit Silicon Mix me urdhër të ish-ministrit të Bujqësisë Niko Peleshi, kryeprokurorja Arta Marku ka kërkuar nisjen e hetimeve ndaj tij.
Prej disa ditësh është denoncuar rihedhja në treg e “Silicon Mix” që sipas Kontrollit të Lartë të Shtetit është bërë me urdhër të paligjshëm nga ana e ish-ministrit Niko Peleshi.
Silicon Mix ishte bllokuar nga AKU por me një udhër të ish-ministrit Niko Peleshi, bllokimi u hoq dhe në treg u shitën 4600 kilogram kimikat.
Kjo ndodhi edhe pse nga specialistët e laboratorit shtetëror thuhej se Silicon Mix nuk ishte pleh kimik.
Tashmë letra me firmën e ish-ministrit është në dorën e prokurorëve
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sipas Prokurorisë ka dyshime se Peleshi ka shpërdoruar detyrën, dhe për këtë kërkohet nisja e hetimeve ndaj tij.
Rasti i nisjes së hetimeve ndaj Peleshit, përbën një ndër iniciativat e para të Prokurorisë së Përgjithshme për hetimin e zyrtarëve të lartë.
Sipas toksikologut Zihni Sulaj, insekticidi “Silikon Mix” mund të shkaktojë ndryshme të ADN-së së njeriut, ndryshime të cilat më pas shoqërohen me keqformime fizike dhe mentale tek foshnjat e sapo ardhura në jetë.
“Është një përzierje e kimikateve bashkë me shumë metale, por ingredienti aktiv është silici (SI). Është një mikroelement, i cili po të merret përmes ushqimeve depërton në inde, sidomos në indin pulmunar të mushkërive. Por gjithashtu mund të depërtojë edhe në indin inspecial të shumë organeve të tjera.
Duke u depozituar aty mund të bëhet shkak për reaksione hiperaktive, i cili në një moment të caktuar lejon rrethanat mund të prekë ADN-nën dhe ARN-nën dhe kjo të çon në degjenerim të proteinave dhe ndonjëherë bëhet bazë edhe për procese malformuese, keqformuese deri në kancer”, ka thënë toksikologu Zihni Sulaj.
Siguria ushqimore mbetet një nga problemet më serioze në vendin tonë, dhe pavarësisht ashpërsimit të masave në Kodin Penal, qytetarët ende denoncojnë raste të shumta në abuzimin me përdorimin e pesticideve.
