Ndodh për herë të parë, lind foshnja me dy gjini në Prishtinë

Një ngjarje e pazakontë ka ndodhur në Klinikën e Gjinekologjisë në Prishtinë.

Mediat kanë raportuar një rast të rrallë me të cilin janë ballafaquar ditë më parë mjekët në Klinikën e Gjinekologjisë në Prishtinë. Një foshnje ka lindur me dy gjini, bëjnë të ditur burimet e “Front Online”.

Sipas këtyre burimeve, foshnja aktualisht është në Klinikën e Neonatologjisë, ku po i bëhen ekzaminimet e nevojshme mjekësore, pasi nuk mbahet mend të ketë ndodhur një lindje e tillë deri më tani në Kosovë.

“Foshnja ndodhet në Klinikën e Neonatologjisë në Prishtinë, ku po i bëhen ekzaminimet e detajuara mjekësore”, ka thënë ky burim nga Klinika e Neonatologjisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern